م ــــــلاذي .. ~

.๑. سريعة .๑.
" أعود لأكتب ، و أكتب لأعيش ، و أعيش لأحقق غاية الإله " أومي

موقف


/

السلام عليكم ورحمة الله  












قبل يومين حصل لي موقف .. جعل مني بركانا أغلي

طلب مني أن احضر وثيقة إدارية لقريبي ، درس فيـ
 ثتبت انه تخرج من عندهم ، طبعا لغرض إداري  CPR

المهم ، ذهبت ، أول ما دخلت ، أوقفني هذا .. حقيقة لا اعرف ما وظيفته هناك .. ليس من الأمن .. وليس موظفا إداريا هناك .. هو مجرد شخص يجلس أمام الباب يراقب الداخل و الخارج .. ربما بدارجتنا يصح أن أقول : بركاك .. بعد أن أوقفني .. كان هذا حوارنا :

فين غادا أبنتي؟
غادا للإدارة ؟
اش عندك في الإدارة ؟
خاصاني واحد الورقة بغيت نشوف واش ممكن ناخدها ولا لا؟
سري دابا ،الادارة مامسالياش كادوز امتحان القبول للطلبة الجدد ، ومامسالياش لاسئلة ..
كيفاش مامسالياش تاني ؟
هي مامسالياش ، سيري تال غدا
وانا نبقى غادا جاية ، ولا عندها امتحان قبول الطلبة ، ماكايعنيش انه ماغاداش تستقبل الناس
قلت ليك مامسالياش وسالينا ،، صافي >> كايغوت
اوك

استغربت الموضوع ، عجبا ..
 ذهبت لقضاء بعض الأمور الخاصة بي في كليتي .. وأنا أفكر .. يعني يجب أن أعود مرة أخرى ؟ آآآخ
بعد ذلك قررت أن آخد رقم هاتفهم .. وليتصل قريبي بهم .. هكذا أفضل
أثناء عودتي مررت على المعهد .. ونفس الموقف و الشخص :

فين غادا ابنتي تاني؟
آآم ،، بغيت ناخد رقم تيليفون الله يخليك
تليفون ، انى تيليفون ؟
تيليفون المعهد
ماكاينش >> معصب
ماكايشن؟ >> استغراب
آآه ماكاينش ؟
شوف أسيدي ، عنداك يحساب ليك نازلة من القمر ، هاد ماكاينش هيا للي ماكايناش ماشي رقم التيليفون ، بالمنطق ، معهد على قدو ، واعوام وهو كااين ،، تجي نتا فالاخر تقول لي ماكاينش ..
ماعدنيش >> زاد تعصب
أها ، ماعندكش , قولها من صباحت ربي ، ماشي تقول لي ماكاينش
ماكاينش ماعنديش كيف كيف
لا أسيدي سمح لي ،، بيناتهم فرق ,, ماعندكش بمعنى نتا ماعارفوش ولا ماحافضوش ، ماكاينش بمعنى الادراة ما دايراش رقم خاص بيها
دابا اش بغيتي؟
رقم التليفون
واقلنا ليك ،، ماعنديش
اذا ، نوض جيبو ليا من الادراة ،، ولا خليني انا ندخل نجيبو راسي
مهم انا رقم التليفون بغيتو
وا ماكاتفهميش ، الادارة مامسالياش
اوك ، خليني ندخل نشوف ، لقيتهم مامسالينش انخرج ، لقيت شي حد عندو المعلومة للي بغيت ، انهدر معاه ،، نتا اش خسر ليك و آش غاي يمشي ليك
أأأأااف .. سيري سيري >> كايغوت ومعصب بجهد
ههههههه ،، ديرها من صبااااح >> باستهزاء

ذهبت إلى الإدارة ، وجدت احد الرجال بدا لي أنهم من الأساتذة ، فقررت أن اسأل احدهم :

عفاك .. الى ممكن نسولك.. واش الادارة عندكم ماخداماش؟
ماخداماش؟؟ >> باستنكار ... لالا خداامة أبنتي ، شكون قال ليك ماخداماش؟
هاداك للي حاطينو قدام الباب ، مانعرف اش كايدير
لا خدامة ،، ورا المدير ،، ولللي حداه الحارس العام ،، سيري عندهم هوما يقضيو لك غرضك

و بالفعل ذهبت إلى الحارس العام ، وسألته ، وأخبرني ما يجب فعله كي احصل على تلك الورقة ، تعامل معي بشكل طبيعي ..

ومريضنا ماعندو باس ...

أتناء خروجي .. سالني أحد الأشخاص ، هو زميل ذلك الرجل ، وكان قد سمع حوارنا من قبل ..

أمدرا قضيتي غاراضك؟
اه اسيدي ،، و الادارة خادامة ، وكل شي مزيان .. غير شي ناس كيحسابو لريوسهم راهم منصب وشان .. واحد اساسا مامعروفاش تا الخدمة تاعو شناهيا .. وجاي يفهم عليك .. المصيبة ولينا نوحلو غير مع هاد الاشكال .. بااز ..
ابنتي المغرب راه كولو هاكا ،، ماعندك ماديري
لا سمح لي ، لواحد علاش تايكذب على عباد الله .. هوا ماشي سوقو .. للي كانعرف فحال هادو كايسولو الواحد فين غادي وصاف ، ماشي لا مادخليش لا دخلي ، لا جي غدا .. ياك لاباس
وراه هنا داير فحال القصر
ههههههه .. قصر؟؟ ، داخلنا عليك بالله .. هاد لبلاصة المقشرة تشبها ليا بالقصر .. اينا قصر الله يهديك ..
واغير صبر ..
خخخخ .. صبر ااه ولا بد .. ومعاه خاص الخدمة .. زعما تقزدير عاطينو صليه .. شوية وتصدااو ,, غير بلاتي .. الله يعفو على أمتال هادوا .. كايكملو النقص تاعهم على حساب الناس .. الله يعاونك اسيدي ..

وأتناء عبوري الباب ، رمقته بنظرات استحقار وغضب و شفقة ..
تمنيت لو أنني لم انظر إليه هكذا ..  ولكنها كانت تعبر عني تماما

استحقارا له
غضب منه
شفقة عليه


حسبنا الله ونعم الوكيل 


{ أسامة . oussama } في : 23 septembre 2011 à 10:43 a dit…

هههههههههههههههههههه كون غي ضربتيه بشي حبق ديال النوار
على بنادم مكلخ
هههههههههههههههههه

{ oumi } في : 23 septembre 2011 à 14:18 a dit…

كاضحك ,, عرفتي عصبني
ماكانحملش شي حد يبدا يفهم عليك
كانكرهو افففف

وشحال كتارو فحال هاد بنادم

{ نسيم الفجر } في : 28 septembre 2011 à 12:21 a dit…

ما كاين غي التحربين مع البشر، راه مصيبة هاذوك اللي كي ديرو حديدة فالرويدة ديال البيكالا و ما كي خليك تدير والو !!

بالمناسبة، هاذيك اللعبة ديال لغة المدونة، حوليها للعربية فهاذيك التعدادات :)

{ oumi } في : 8 octobre 2011 à 18:57 a dit…

و الله داكشي للي كاين :(


هاديك ''بالمناسبة'' عندك مافهمتهاش ؟ شنو غادي نحول العربية؟

 

^__^

ملاذيات قديمة ~

Follow us

Enter your email address:

Delivered by FeedBurner